என்னாவாயிருந்தால் பிடிக்கும்

பால் மணம் மாற பச்சிளம்

பத்து மாதக் குழந்தையாய்

தத்தித் தவழ்ந்து நடை பயின்று

உண்ண மறுத்து அன்னத்தில் அலைந்தும்

என்ன என்று சொல்லத் தெரியாமல்

கணப்பொழுதும் அழுது வடியும்

வயதினில் என்னை உனக்கு பிடிக்குமா ?

கள்ளம் கபடம் இல்லாமல் ஓடியாடும் வயதினில்

பள்ளிப் பருவத்தினில் பாடங்களில் அதிக

புள்ளிகளை எடுத்து சித்தி எய்திட்டபோது

அள்ளி அணைத்திட்ட எல்லையில்லா

பள்ளிப்பருவம் தான் உனக்கு பிடிக்குமா ?

பருவம் எய்திய போது என் உடலின்

உருவ மாறுதலைக் கண்டே என்னை

கண்காணித்து காத்திருப்புக்களுடன்

கனவுகள் பல சுமந்து இருக்கும்

வயதில் இருக்கும் என்னை பிடிக்குமா ?

அம்மா நான் என்னவாயிருந்தால் பிடிக்கும்

சும்மா சொல்லம்மா...

சின்னவளாக இருந்தபோது

பெரியவளானால் நல்லது என்றாயே...

பெரியவளான பின்னே...

சின்னவளாயிருந்தால் நல்லாயிருக்கும் என்றாயே

21.10.2006